გუშინ ძალიან მნიშვნელოვანი, მაგრამ ამავდროულად ძალიან მძიმე ანგარიში გამოქვეყნდა. ასევე, იყო მარტა კოსისა და კაია კალასის ბრიფინგები, რომელიც ორ რამეს ადასტურებს: ერთი, რომ სამწუხაროდ, ივანიშვილის რუსული რეჟიმის პირობებში, დღეს საქართველოს ევროკავშირში არანაირი მომავალი არ აქვს. ეს სწორედ ივანიშვილის რუსული რეჟიმის მოქმედებებისა და ანტიდასავლური პოლიტიკის შედეგია – და მეორე, კოსმა და კალასმა ღიად ისაუბრეს იმაზე, რომ ილუზიის შექმნის მიზნით, ივანიშვილის რეჟიმი ქართველ ხალხს მიზანმიმართულად ატყუებს, რომ თითქოს, ფორმალურად მაინც, საქართველო ევროკავშირში გაწევრიანების პროცესში რჩება. ეს ილუზია და ტყუილია. სიმართლე ისაა, რომ ევროკავშირში გაწევრიანების პროცესის აღდგენა საქართველოს მხოლოდ იმ შემთხვევაში შეუძლია, თუ ჩვენ ივანიშვილის რეჟიმს მოვიშორებთ […] უვიზო მიმოსვლაზე გადაწყვეტილებისთვის ევროკავშირი სწორედ ამ ანგარიშს გამოიყენებს.
ასე გამოეხმაურა ნაციონალური მოძრაობის თავმჯდომარე, თინა ბოკუჩავა ევროკომისიის მიერ გამოქვეყნებულ ანგარიშს.