ექიმი გიორგი ახობაძე აცხადებს, რომ თბილისში ფიზიკურად გაუსწორდნენ.
მომხდარის შესახებ პროევროპული აქციების მონაწილემ სოციალურ ქსელში დაწერა. ახობაძე ჰყვება, რომ ტაქსს, რომლითაც თბილისის აეროპორტიდან მოდიოდა, გზა გადაუჭრა შავმა „პრადომ”, საიდანაც რამდენიმე პირი გადმოვიდა და მას თავს დაესხა.
გიორგი ახობაძე ამბობს, რომ თავდამსხმელები გარდაცვლილი ბიზნესმენის, ლაშა ბასლანძის “სამეგობროს მოგზავნილი ტიპები, ან თვითონ ეგენი” დაესხნენ.
ახობაძემ ასევე ფეისბუქზე დაწერა, რომ პოლიცია გამოძახებიდან დაახლოებით ორი საათის შემდეგაც ადგილზე არ მისულა.