რუსეთის ქალაქ სარატოვში მძლავრი აფეთქებების ხმა ისმოდა, ამას გარდა, სარატოვის ოლქის ქალაქ ენგელსში, სადაც მძლავრი რუსული ავიაბაზა და აეროდრომი მდებარეობს, დრონის ჩამოვარდნის შედეგად ხანძარი გაჩნდა.
ხანძარი გაჩნდა ასევე სარატოვის ნავთობგადამამუშავებელ ქარხანაში, სადაც დრონი ჩავარდა. დატვირთული ცისტერნების გამო, ცეცხლი დიდ ფართობს მოედო და მის ჩაქრობას ამ დრომდე ცდილობენ. სარატოვის ზოგიერთ დასახლებულ პუნქტში ამ დრომდე ისმის საჰაერო განგაშის მაუწყებელი სირენების ხმა.