არქიმანდრიტი დოროთე ყურაშვილი მიიჩნევს, რომ საპატრიარქოს საზოგადოებასთან ურთიერთობის სამსახური უნდა გაუქმდეს და მისი წარმომადგენლები, დეკანოზ მიქაელ ბოტკოველისა და დეკანოზ ანდრია ჯაღმაიძის, თანამდებობს უნდა ჩამოშორდნენ, რადგან მათი ქმედებები, მისი შეფასებით, აზიანებს ეკლესიის რეპუტაციას. ამის შესახებ სასულიერო პირი სოციალურ ქსელში წერს.
დოროთე ყურაშვილი აცხადებს, რომ საპატრიარქოს მხრიდან მის მიმართ მიმდინარეობს დაშინებისა და დადუმების მცდელობა, თუმცა აღნიშნავს, რომ წინააღმდეგობის გაწევის შემთხვევაში „სიმართლე კიდევ უფრო ხმამაღალი გახდება“.
კარგი იქნება, დეკანოზ მიქაელ ბოტკოველი და დეკანოზ ანდრია ჯაღმაიძე, თუ შეეშვებიან ჩემი დაშინების და დადუმების მცდელობას, რადგან რაც უფრო შემეწინააღმდეგებიან, მით უფრო აყვირდება ჭეშმარიტება.
საზოგადოებასთან ურთიერთობის სამსახური უნდა გაუქმდეს, და დეკანოზ ანდრია ჯაღმაიძე და დეკანოზ მიქაელ ბოტკოველი უნდა ჩამოშორდეს საპატრიარქოს, წინააღმდეგ შემთხვევაში ისინი გაანადგურებენ ეკლესიის რეპუტაციას, – წერს სოციალურ ქსელში არქიმანდრიტი დოროთე ყურაშვილი.
ცნობისთვის, საპატრიარქოს გადაწყვეტილების მიხედვით, საქართველოს კათოლიკოს-პატრიარქმა ილია მეორემ გაიზიარა ეპარქიული კომისიის შუამდგომლობა და არქიმანდრიტი დოროთე ყურაშვილი ქვემო ბეთლემის ტაძრის წინამძღვრობიდან გაათავისუფლა.