ყოფილ პემიერ მინისტრს, ირაკლი ღარიბაშვილს გირაო შეეფარდა ერთი მილიონი ლარის ოდენობით. ასევე, აეკრძალა ქვეყნის დატოვება და ჩამოერთვა პასპორტი.
ირაკლი ღარიბაშვილს გირაოს გადასახდელად 30-დღიანი ვადა მისცეს.
მოსამართლე ეკა ბარბაქაძე სრულად დაეთანხმა პროკურატურის შუამდგომლობას და გადაწყვეტილება ადგილზე თათბირით გამოაცხადა.
ღარიბაშვილს პროცესზე სიტყვის თქმის უფლებით არ უსარგებლია. მან მხოლოდ მოსამართლის კითხვას უპასუხა:
„რამის თქმა ხომ არ გსურთ?“, – ჰკითხა ბარბაქაძემ ირაკლი ღარიბაშვილს.
„არაფერი“, – უპასუხა ღარიბაშვილმა.
წინასასამართლო სხდომა 16 დეკემბერს 14:00-ზე დაინიშნა.