უკრაინის პრეზიდენტმა, ვოლოდიმირ ზელენსკიმ რუსეთის მიერ უკრაინის წინააღმდეგ წუხელ განხოციელებული თავდასხმას ეხმაურება და ევროკავშირისა და აშშ-გან მკაცრ ზომებს ითხოვს.

“დროა, ევროკავშირმა მიიღოს სანქციების ძლიერი პაკეტი, ასევე ველით მკაცრ სასანქციო ზომებს აშშ-სგან და „დიდი შვიდეულისგან“ – ამბობს ზელენსკი.

მისი ინფორმაციით, ამ დროისთვის ცნობილია 17 ადამიანის დაშავების და 6 ადამიანის დაღუპვის შესახებ.

„კიდევ ერთი ღამე, რომელიც ადასტურებს, რომ რუსეთი საკმარის ზეწოლას ვერ გრძნობს ომის გაჭიანურებისთვის – ამ დროისთვის ცნობილია 17 ადამიანის დაშავების შესახებ. სამწუხაროდ, 6 ადამიანი დაიღუპა, მათ შორის 2 ბავშვი.

რუსული სიტყვები დიპლომატიის შესახებ არაფერს ნიშნავს, სანამ რუსეთის ხელმძღვანელობა კრიტიკულ პრობლემებს არ იგრძნობს. ამის უზრუნველყოფა კი მხოლოდ სანქციებით, შორ მანძილზე დარტყმის შესაძლებლობებითა და ჩვენს ყველა პარტნიორს შორის კოორდინირებული დიპლომატიით შეიძლება. დროა, ევროკავშირმა მიიღოს სანქციების ძლიერი პაკეტი. ჩვენ ასევე ველით მკაცრ სასანქციო ზომებს შეერთებული შტატებისგან, „დიდი შვიდეულისგან“ და ყველასგან, ვისაც მშვიდობა სურს. ძალიან მნიშვნელოვანია, რომ მსოფლიო ახლა არ გაჩუმდეს და რუსეთის საზარელ დარტყმებზე ერთიანი რეაგირება მოხდეს“, – აღნიშნა ზელენსკიმ.

უკრაინის პრეზიდენტის განცხადებით, ყველა, ვინც უკრაინას საჰაერო თავდაცვის სისტემებითა და რაკეტებით ეხმარება, ადამიანების სიცოცხლეს იცავს და ყველა, ვინც უკრაინას შორ მანძილზე დარტყმის შესაძლებლობებით ეხმარება, ომის დასასრულს აახლოებს.