ექიმი გიორგი ჩახუნაშვილი მადლობას უხდის პრესას და საზოგადოებას თანადგომისთვის და წერს, რომ თურმე ამისთვის ღირდა ცხოვრება.

“რადიოს, პრესას, ტელევიზიებს, კოლეგებს, ახლობლებს, მეგობრებს, ოჯახის წევრებს – ყველას მადლობა. ყველას ვერ ჩამოვურეკე, იმიტომ რომ ჩემი ტელეფონი ჯერ დატუსაღებულია, თუმცა ყველას უდიდესი მადლობა. თურმე, ამისთვის ღირს ცხოვრება. არაფერი არ დამთავრებულა ამით. გამოვედი მხნედ, გუშინ რომ აქცია იყო, ეს ვნახე.
მედიკოსებმა გუშინ აჩვენეს, როგორ უნდა იყოს თანაცხოვრება სხვადასხვა პოლიტიკური გემოვნების პირებს შორის. შეიძლება პირდაპირ გაშვებაც. თავდებში იმდენი ხალხი იყო, რასაც მე გადავხედე, ეს იყო საშუალო სტანდარტი, რითაც გამოვიდა ჩემი გამოშვება.
მე უხეშობა მაგათთვის [პოლიციელებისთვის] არ შემიტყვია და მაგათ თვალებში ამოვიკითხე, რომ მაგათთანაც შეიძლება თანაცხოვრება. აგრესია მაგათთან არ დამინახავს. რაც შემეხება მე – აგრესიული არასდროს ვყოფილვარ, არც ადრე, არც ახლა და არც ხვალ არ ვიქნები. ის, რასაც ამბობდნენ, არც ვმალავ. ვიდექი ქუჩაში, აქციებზე კიდევ ვიქნები და იქ, ქუჩაში, რასაც ვასრულებდი, აგრესია არავის მიმართ არ მქონია. ლაპარაკი, რაზეც არის, იქ მე ვასრულებდი პროფესიულ მოვალეობას” – ამბობს ექიმი გიორგი ჩახუნაშვილი გათავისუფლების შემდეგ TV პირველთან, რომელიც სასამართლომ გუშინ 20 000 ლარის საპატიმრო გირაოს სანაცვლოდ გაათავისუფლა. ეს თანხა მას საზოგადოებამ 15-20 წუტში შეუგროვა.