ენმ-ს პოლიტსაბჭოს თავმჯდომარე ლევან ხაბეიშვილი “ფორმულას” შესასვლელთან სუს-ის წარმომადგენლებმა აიყვანეს. ვიდეო “ფორმულას” ეზოდან მიშა მშვილდაძემ გაავრცელა.
„მეგობრებო, უნდა გესმოდეთ, რომ სახელმწიფო უსაფრთხოების სამსახურს, მდინარაძეს, რა დავალებაც ჰქონდა, ასრულებს. არაფრის შეგეშინდეთ, იმიტომ, რომ ძალა არის ქართველ ხალხში. ნუ შეგეშინდებათ ნურაფრის, მე ამის მოლოდინი მქონდა და ისინი აპირებენ დამაკავონ. მაკავებენ იმიტომ რომ თურმე ერთ ადამიანს, ხაბეიშვილს შეუძლია ივანიშვილის დამარცხება. თქვენ შეგიძლიათ დაამარცხოთ ივანიშვილი, თქვენ შეგიძლიათ დაამარცხოთ ეს რეჟიმი,“- განაცხადა ლევან ხაბეიშვილმა, სანამ მის უფლებებს განუმარტავდნენ.