კრემლმა უპასუხა ამერიკის შეერთებული შტატების პრეზიდენტის, დონალდ ტრამპის განცხადებას მის მზადყოფნაზე, რუსეთის წინააღმდეგ დამატებითი სანქციები დააწესოს. ამის შესახებ Sky News წერს.
გამოცემის ცნობით, კრემლში განაცხადეს, რომ „ევროპა და უკრაინა ყველაფერს აკეთებენ, რათა აშშ საკუთარ ორბიტაში ჩაითრიონ“.
ასევე დაამატეს, რომ „სანქციები არასოდეს აიძულებს რუსეთს, თავისი პოზიცია შეცვალოს“.
წინა დღეს ჟურნალისტებმა ტრამპს ჰკითხეს, იყო თუ არა მზად რუსეთის წინააღმდეგ სანქციების მეორე ეტაპზე გადასასვლელად, რაზეც მან უპასუხა: „დიახ“.
გარდა ამისა, აშშ-ის ფინანსთა მინისტრმა სკოტ ბესენტმა კვირას განაცხადა, რომ ვაშინგტონი მზად არის ზეწოლა მოახდინოს რუსეთის დიქტატორ ვლადიმერ პუტინზე, რათა ის უკრაინასთან სამშვიდობო მოლაპარაკებების დაწყებაზე დაითანხმონ.