მოსკოვში ცეცხლი გაჩნდა ბალაშიხას ქიმიურ ქარხანაში, რომელიც ერთ-ერთი უდიდესია რუსეთში. ხანძრის კერა, სავარაუდოდ, საწყობში იყო, ხოლო შემდეგ ცეცხლი სწრაფად გავრცელდა არამარტო საწყობებში, არამედ საამქროებშიც.
ხანძარი დაახლოებით 11:30 (თბ.დროით) საათზე გაჩნდა და მისი არათუ ლიკვიდირება, ლოკალიზებაც კი ვერ ხერხდება, ცეცხლი უკვე 4.000 კვადრატულ მეტრზეა მოდებული და უკვე ვერტმფრენებიც ჩართეს ქრობის პროცესში, თუმცა, ამაოდ.
კვამლის სვეტი იმდენად მაღალია, რომ მეზობელი ქალაქებიდან შოლკოვოდან და ნოგინსკიდანაც კი ჩანს. ქრობას ართულებს ის, რომ ცეცხლი საწყობების ფართობს მოედო, სადაც ემალი და ავტომობილების საღებავები დიდი რაოდენობით ინახება.
კადრები, სადაც ალმოდებული ქარხანა ჩანს, შეგიძლიათ ნახოთ “ოდიშის” ოფიციალურ ტელეგრამ-არხზე.