მოსამართლე გიორგი არევაძემ სინდისის პატიმარი, არჩილ მუსელიანცი დამნაშავედ ცნო და 4 წლით ციხეში გაუშვა.
სასამართლომ 29 წლის მუსელიანცს პატიმრობა 534 ლარიანი ჯებირის დაზიანებისთვის მიუსაჯა.
დღევანდელ პროცესზე სიტყვით ისარგებლა თავად ბრალდებულმა და სასამართლოს უთხრა, რომ მის წინააღმდეგ საქმეში ჩადებული ვიდეომტკიცებულება დამონტაჟებულია.
ცნობისთვის, არჩილ მუსელიანცი 2024 წლის 30 ნოემბერს დააკავეს. თავდაპირველად ის ადმინისტრაციული მუხლით იყო დაკავებული, თუმცა შემდეგში, აღნიშნული მუხლი სისხლის სამართლით ჩადენილი დანაშაულით, 187-ე მუხლის მეორე ნაწილით გადაუკვალიფიცირდა, რაც გულისხმობს სხვისი ნივთის განზრახ დაზიანებას და განადგურებას.