პროევროპული აქციების დროს დაკავებულ „ნაციონალური მოძრაობის“ წევრს, ანატოლი გიგაურს 2 წლით თავისუფლების აღკვეთა მიესაჯა.

მოსამართლე ჯვებე ნაჭყებიამ ანატოლი გიგაურისთვის ბრალად წარდგენილი 353-ე პრიმა მუხლი, რომელიც პოლიციელზე თავდასხმას გულისხმობს და 4-დან 7 წლამდე ვადით თავისუფლების აღკვეთას ითვალისწინებს, გადააკვალიფიცირა და სისხლის სამართლის კოდექსის 353-ე მუხლის პირველი ნაწილით გათვალისწინებულ დანაშაულში ცნო დამნაშავედ, რომელიც გულისხმობს წინააღმდეგობას, მუქარას ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ.

აღნიშნული ქმედებისთვის სასჯელის სახით გათვალისწინებულია ჯარიმა, შინაპატიმრობა 2 წლამდე ვადით და ასევე თავისუფლების აღკვეთა 2-დან 6 წლამდე ვადით.

დღევანდელ სხდომაზე ანატოლი გიგაურმა საბოლოო სიტყვა წარმოთქვა.

“რაც გინდათ გამოცხადდეს, ვხვდებით ამაყად, ტაშით”
ანატოლი გიგაურის სიტყვა პროცესამდე.
“ჩემი უფლებები ირღვეოდა, მე შველას ვითხოვდი. აგრძელებს”
“დაზარალებულად მოიყვანეს კაცი, რომელმაც მაწამა”
“მე გაჩვენეთ კადრები როგორ მირტყამენ სახეში”
“ვიბრძოლებ ბოლომდე!”
“ჩემმა მეგობრებმა მაგალითი მაჩვენეს”
“ეხლა თქვენ ხართ სათავეში, მაგრამ ცხოვრება დიდია”. – თქვა მან პროცესზე.