აზერბაიჯანის პრეზიდენტმა, ილჰამ ალიევმა ხელი მოაწერა განკარგულებას, რომლითაც აზერბაიჯანი უკრაინის ჰუმანიტარული დახმარებისთვის 2 მილიონ დოლარს გამოყოფს.
განკარგულების მიხედვით, აზერბაიჯანის ენერგეტიკის სამინისტროს ქვეყნის პრეზიდენტის სარეზერვო ფონდიდან 2 მილიონი დოლარი გამოეყოფა, რათა უკრაინას ენერგოაღჭურვილობა გაეგზავნოს.
განკარგულება აზერბაიჯანის პრეზიდენტის ოფიციალურ ვებგვერდზე ქვეყნდება.
“უკრაინაში ბოლო წლებში შექმნილ ვითარებასთან დაკავშირებით აზერბაიჯანის სახელმწიფომ უკრაინელი ერისთვის ჰუმანიტარული დახმარება რამდენჯერმე გამოყო.
აზერბაიჯანის რესპუბლიკასა და უკრაინას შორის ურთიერთობები ვითარდება მეგობრობისა და პარტნიორობის საფუძველზე, შესაბამისი ორმხრივი დოკუმენტების საფუძველზე”. – წერია განცხადებაში.
ცნობისთვის, აზერბაიჯანული მედია წყაროებზე დაყრდნობით წერს, რომ ბაქომ შესაძლოა, უკრაინისთვის იარაღის მიწოდებაზე ემბარგოს მოხსნა განიხილოს, თუკი რუსეთი გააგრძელებს უკრაინის ბუნებრივი აირის იმ ინფრასტრუქტურაზე იერიშების მიტანას, რომლის მეშვეობითაც აზერბაიჯანული გაზი მიედინება.
შეგახსენებთ, რომ მიმდინარე წლის თებერვალში ალიევმა ასევე მოაწერა ხელი განკარგულებას უკრაინის ჰუმანიტარული დახმარებისთვის 1 მილიონი დოლარი გამოყოფის შესახებ.