რუსეთის სამთავრობო მედია РИА Новости სტატიას აქვეყნებს სათაურით: “სხვა გზა არაა: უკრაინაში ცოცხალი არავინ უნდა დარჩეს”.
სტატიის ავტორი, კირილ სტრელნიკოვი ამტკიცებს, რომ უკრაინელები მზად არიან საკუთარი სიცოცხლე “დასავლელი ბატონებისთვის” გაწირონ, რომლებიც მათ “ლაბორატორიის ვირთხებად” აღიქვამენ.
“გამოფხიზლების ყველა ვადა უკვე გასულია და ჩვენ ვინმეს რამისკენ მოწოდებასა და დარწმუნებას აღარ ვაპირებთ. თუ ადამიანები შეგნებულად და სიხარულით მზად არიან თავიანთი ბატონებისთვის მოკვდნენ – ეს მათი არჩევანია” – წერს სტრელნიკოვი.
ავტორი ტრადიციულ რუსულ პროპაგანდას იმეორებს და აღნიშნავს, რომ უკრაინა დასავლური ქვეყნების მიერ “სამხედრო ექსპერიმენტისთვის” გამოიყენება.
სტრელნიკოვი ასევე დასავლურ ანალიტიკურ ცენტრებსაც აკრიტიკებს, რომლებიც ბრძოლის ველზე უკრაინული ძალების მიღწევებს აღიარებენ.