თურქეთი მასშტაბურ ტყის ხანძრებს ებრძვის. ბურსაში მთებში გაჩენილი ცეცხლი რეკორდულად მაღალი ტემპერატურის გამო სწრაფად გავრცელდა. ქვეყანაში დაფიქსირდა თითქმის 51 გრადუსი, რაც სეზონური ნორმიდან 12 გრადუსით მეტია.
ოფიციალური ინფორმაციით, ამ დროისთვის აღმოჩენილია ხანძრის 76 კერა, ხოლო ბურსაში ცეცხლის ჩაქრობაში 1 100-ზე მეტი მეხანძრე მონაწილეობს.
ბურსადან უკვე ევაკუირებულია ასობით მოქალაქე. ადგილობრივი მედიის ცნობით, ძლიერი სიცხე და ქარი ხანძრის ლოკალიზებას მნიშვნელოვნად ართულებს.