ანაკლიაში, ყოფილი იახტ-კლუბის ტერიტორიაზე, კაცი დაგუბებულ წყალში ჩავარდა და დაიხრჩო. მისი ცხედარი საგანგებო სიტუაციათა მართვის თანამშრომლებმა მოგვიანებით ამოიყვანეს.
კაცის წყალში გადავარდნა ვერავინ შენიშნა, რადგან იახტ-კლუბი უკაცრიელი ადგილი, იქაურობა კი ნანგრევებად იქცა მას შემდეგ, რაც 2013 წლიდან “ოცნების” ხელისუფლებამ შეაჩერა წინა ხელისუფლების ერთ-ერთი წარმატებული პროექტი – ანაკლიის იახტ-კლუბის მშენებლობა.
შეგახსენებთ, 2012 წელს, ხელისუფლების ცვლილების მომენტისთვის, ყველა წინაპირობა არსებობდა იახტ-კლუბის მშენებლობის გასაგრძელებლად და იდეის ბოლომდე მისაყვანად. ერთ-ერთი ქვეყნიდან უნდა მომხდარიყო იახტების ტრანსპორტირება, მზად იყო ინვესტორი, თუმცა, “ქართულმა ოცნებამ” ამ მასშტაბური პროექტის გაგრძელებაზე უარი თქვა.