“ივანიშვილი ყველას გააკეთებინებს ბინძურ საქმეებს, მათ შორის ფულს აშოვნინებს, მოაპარინებს, მაგრამ, როცა დასჭირდება ყველას მოიშორებს” – ამის შესახებ “ერთიანობა – ნაციონალური მოძრაობის” წევრმა, ანა წითლიძემ ისაუბრა.

ანა წითლიძის თქმით, გრიგოლ ლილუაშვილი ამას ვერ წარმოიდგენდა, თუმცა რეჟიმის კანონზომიერების მიხედვით, ახლა ვიღაც უნდა დაისაჯოს.

ბიძინა ივანიშვილი ყველას გააკეთებინებს ბინძურ საქმეებს, მათ შორის ფულს აშოვნინებს, მოაპარინებს, მაგრამ, როცა დასჭირდება და ეს არის რეჟიმის კანონზომიერება, რომ ყველას მოიშორებს.

ლილუაშვილი ვერ წარმოიდგენდა, ამ ქვეყანაში ყველაზე მნიშვნელოვანი, ყველაზე მეტი ძალაუფლების მქონე ადამიანი იყო და დღეს, ვიღაც ანრი ოხანაშვილმა, შეიძლება, ლილუაშვილის წინააღმდეგ აღძრას საქმე იმიტომ, რომ მას ედავებიან, რომ შიდა მილიონები, რომლებიც ერთმანეთში ტრიალებს, საქართველოს მოქალაქეებისთვის მოპარული მილიონები, უბრალოდ ვიღაცამ “მოტეხა” ამათ შორის და შესაბამისად ეს ვიღაც ახლა უნდა დაისაჯოს…” – განაცხადა ანა წითლიძემ.

შეგახსენებთ, რომ სუს-ის შეფმა ლილუაშვილის დაკითხვაზე დაბარება დააანონსა. ანრი ოხანაშვილის განცხადებით, ისეთი მასშტაბის დანაშაული, როგორიც რომეო მიქაუტაძის ქეისია, სუსს არ უნდა გამოჰპარვოდა.