თეირანის დიქტატორები სრულ ფასს გადაიხდიან“, – ასე ეხმაურება ისრაელის პრემიერ-მინისტრი, ბენიამინ ნეთანიაჰუ ირანის მიერ განხორციელებული სარაკეტო იერიშს.
„დღეს დილით, ირანის ტერორისტმა ტირანებმა ბეერ-შევაში სოროკას საავადმყოფოსა და ცენტრალურ ისრაელში მშვიდობიანი მოსახლეობის მიმართულებით რაკეტები გაუშვეს. თეირანის დიქტატორები სრულ ფასს გადაიხდიან“, – წერს ისრაელის პრემიერ-მინისტრი X-ზე.
დილიდან ისრაელში საჰაერო განგაშის და აფეთქებების ხმები ისმის. ირანმა თელავივისკენ ბალისტიკური რაკეტები გაუშვა. იერიშის შედეგად დაბომბილია ისრაელში სიდიდით მესამე საავადმყოფო, სახელწოდებით “სოროკა”. ნგრევა დაფიქსირდა თელ-ავივის ცენტრში დასახლებული ზონასა და ბიზნეს-ცენტრის მიმდებარე ტერიტორიაზეც. დაშავებულია ათობით ადამიანი. მსხვერპლის შესახებ ინფორმაცია არ გავრცელებულა.
რაკეტების უმეტესი ნაწილი ისრაელის თავდაცვამ ჰაერში გაანეიტრალა, თუმცა რამდენიმე რაკეტამ თავდაცვითი ზღუდის გარღვევა მაინც მოახერხა.