სოციალურ ქსელში პოლიტიკოსების მისამართით გამოთქმული შეფასებითი პოსტების, მათ შორის გინების აკრძალვის წინააღმდეგ თავის პოზიციას რომან გოცირიძეც აფიქსირებს და ამბობს, რომ გინების პეტიცია უნდა შეიქმნას, კონკრეტული ადრესატების მითითებით, რომელსაც ათეულობით ათასი მოაწერს ხელს, რის შემდეგაც სამართლებრივი წარმოების პროცესი ფარსად იქცევა.
“უნდა შედგეს კარგი მამა-პაპური გინების ტექსტი, ჩამოთვლილი უნდა იყოს ადრესატები, ალბათ დაახლოებით ასამდე მონა და გავრცელდეს ინტერნეტით პეტიციის ფორმით, რომელსაც ხელს მოაწერს ასეულ ათასობით ადამიანი. სდიონ მერე ყველას:)
მათ მიერ მიღებული კანონები უკანვე უნდა შევუბრუნოთ:
-ტვ იმედის და სხვა პროპაგანდისტული არხების “უკანონო” გამონათქვამებზე უნდა შევიდეს ასობით საჩივარი მარეგულირებელ კომისიაში,
-ქოცების მიერ კონკრეტული პირებისადმი გამოთქმული და დაწერილი უცენზურო(შეურაცმყოფელი) გამონათქვამები უნდა გასაჩივრდეს.
ფარსად უნდა ვუქციოთ ეს პროცესი, ცოტა კრეატიულობა უნდა გამოვიჩინოთ”, – წერს რომან გოცირიძე.