“ოცნებამ” უნდა იცოდეს, რომ რაც უფრო მეტს აკრძალავს, მით უფრო მეტ წინააღმდეგობას მიიღებს, მით უფრო მეტი ადამიანი დაუძახებს მონას”- ამის შესახებ “ნაციონალური მოძრაობის” ლიდერმა, ანა წითლიძემ “ოცნების” საჩივრებზე საუბრისას განაცხადა.

მისი თქმით, “რამდენ ადამიანზეც არ უნდა შევიდეს სარჩელი სასამართლოში, საქართველოს ისტორია დაარქმევს მათ ზუსტად ამ სახელს – რუსული რეჟიმის მონებს, რომლებიც ამ ქვეყანას აკარგვინებ ევროპული განვითარების მომავალს.”

“ეს იქნებოდა სასაცილო ტრაგიკული რომ არ იყოს და ნათლად უჩვენებს იმას, რომ “ოცნებას” აკომპლექსებს იმის დაძახება, რასაც იმსახურებს. მთელი ეს სარჩელები, რომლებიც საქართველოს მოქალაქეების, ჟურნალისტების, პოლიტიკოსების წინააღმდეგ შეიტანეს ე.წ-მა პარლამენტის წევრებმა, არის არაკონსტიტუციური, რადგან მთლიანად ეწინააღმდეგება გამოხატვის თავისუფლებას და “ოცნებამ” უნდა იცოდეს, რომ რაც უფრო მეტს აკრძალავს, მით უფრო მეტ წინააღმდეგობას მიიღებს, მით უფრო მეტი ადამიანი დაუძახებს მონას და რამდენ ადამიანზეც არ უნდა შევიდეს სარჩელი სასამართლოში, საქართველოს ისტორია დაარქმევს მათ ზუსტად ამ სახელს – რუსული რეჟიმის მონებს, რომლებიც ამ ქვეყანას აკარგვინებ ევროპული განვითარების მომავალს. პასუხი უნდა იყოს ერთი – დააჯარიმებენ ერთს, ასი ადამიანი დაუძახებს იმავეს და უნდა იცოდნენ, რომ ისინი ქუჩაში მშვიდად და წყნარად ვერ გაივლიან, ყველგან მიიღებენ იმას, რასაც იმსახურებენ, მაგრამ მათთვის ყველაზე დიდი სასჯელი მათთვის იქნება ის, რომ საქართველოს ისტორია დაარქმევს მათ რუსული რეჟიმის წარმომადგენლებს საქართველოში და რუსული რეჟიმის წარმომადგენლებს.” – განაცხადა ანა წითლიძემ.