უკრაინა ამერიკის შეერთებული შტატების, ევროპის სახელმწიფოებისა და რუსეთის წარმომადგენლებთან შეხვედრის ორგანიზებას აპირებს და ამ შეხვედრისთვის სამ ადგილს განიხილავს.
პრეზიდენტმა ვოლოდიმირ ზელენსკიმ კიევში, 19 მაისს გამართულ პრესკონფერენციაზე განაცხადა, რომ უკრაინას სურს ორგანიზება მაღალი დონის შეხვედრის, რომელშიც მონაწილეობას მიიღებენ აშშ, უკრაინა, რუსეთი, ევროკავშირის ზოგიერთი ქვეყანა და დიდი ბრიტანეთი.
ზელენსკის ინფორმაციით, შეხვედრა შესაძლოა, გაიმართოს თურქეთში, ვატიკანში ან შვეიცარიაში. როგორც უკრაინის პრეზიდენტმა თქვა, საქმე ეხება არა კომფორტს, არამედ იმას, თუ ვინ შეძლებს შეხვედრის ორგანიზებას შესაბამისი შედეგით.
ამ ეტაპზე უკრაინა მთავარ მიზნად ასახელებს ცეცხლის დაუყოვნებლივ და უპირობოდ შეწყვეტას.