ტრამპი-პუტინის სატელეფონო საუბრის შემდეგ პირველი განცხადება ვლ. პუტინმა გააკეთა
მისი თქმით, საუბარი დონალდ ტრამპთან შინაარსიანი, გულახდილი და ძალზე სასარგებლო იყო. პუტინმა აღნიშნა, რომ მადლობა გადაუხადა ტრამპს რუსეთ-უკრაინის დაპირისპირების მოსაგვარებლად აშშ-ის ჩართულობისთვის და მოლაპარაკაბეის განახლებისთვის.
რუსი დიქტატორის თქმით, რუსეთი მხარს უჭერს საბრძოლო მოქმედებების შეწყვეტას, თუმცა საჭიროდ მიიჩნევს მშვიდობის ყველაზე ეფექტური გზების შემუშავებას. მისი განცხადებით, ტრამპმა საუბარში უკრაინაში ცეცხლის შეწყვეტის საკითხზე თავისი პოზიცია დააფიქსირა.
პუტინის თქმით, კრემლი მზადაა უკრაინასთან გააფორმოს მემორანდუმი, რაც ცეცხლის შეწყვეტასთან ერთად, სხვადასხვა დეტალებს ითვალისწინებს, თუმცა, ეს დეტალები არ დაუკონკრეტებია, მხოლოდ აღნიშნა, რომ ორივე მხარემ უნდა მიაღწიოს კომპრომისულ შეთანხმებას, რომელიც ხელს აძლევს როგორც რუსეთს, ასევე უკრაინას.
პუტინმა დადებითად შეაფასა მოლაპარაკების განახლება და განაცხადა, რომ “მხარეები სწორ გზაზე დგანან”.