სტამბოლში დაიწყო რუსეთისა და უკრაინის დელეგაციების შეხვედრა, თუმცა, პირველივე შეხვედრაზე რუსებმა თავიანთი სახე გამოავლინეს:
პირველ ფოტოზე, რომელიც მოლაპარაკების ადგილიდან გამოქვეყნდა, ჩანს, რომ რუსეთის დელეგაციის ადგილები შევსებული არ არის, რაც იმას ნიშნავს, რომ რუსმა დიპლომატებმა და სამხედრო პირებმა, ვინც დელეგაციაში შედიან, შეხვედრაზე დააგვიანეს.
ამას გარდა, დარბაზში მყოფმა ბი-ბი-სის ოპერატორმა დაწერა, რომ მხარეების წარმომადგენლებს ერთმანეთისთვის ხელი არ ჩამოურთმევიათ.
რუსეთისა და უკრაინის დელეგაციის გარდა, შეხვედრას თურქეთის დელეგაციაც ესწრება.
სწორედ თურქეთის საგარეო საქმეთა მინისტრმა თქვა შესავალი სიტყვა.
უკრაინის დელეგაციას ყირიმელი თათრების წარმომადგენელი, ქვეყნის თავდაცვის მინისტრი რუსტემ უმეროვი ხელმძღვანელობს, რომელიც აცხადებდა, რომ მშვიდობა მხოლოდ იმ პირობითაა შესაძლებელი, თუ რუსეთი მინიმუმ, 30 დღით შეწყვეტს ცეცხლს და დათანხმდება უკანონოდ დეპორტირებული უკრაინელი ბავშვების დაბრუნებას, ასევე ტყვეების გაცვლას პრინციპით “ყველა -ყველაზე”.