რუსთაველის გამზირზე, 21 აპრილს დაკავებულ ლევან ზაზაძეს 12-დღიანი პატიმრობა მიესაჯა.
გადაწყვეტილების მიღების შემდეგ, ადგილზე ვითარება დაიძაბა. კერძოდ, ადგილზე შეკრებილმა მოქალაქეებმა სასამართლოს გადაწყვეტილება გააპროტესტეს, რის შემდეგაც მანდატურებმა აქტივისტების ძალის გამოყენებით გაყვანა დაიწყეს. მოქალაქეების დარბაზიდან გაყვანის დროს, რამდენიმე აქტივისტი მანდატურების ზეწოლის შედეგად, წაიქცა. ამავე დროს, ერთ-ერთი მოქალაქე შეუძლოდ გახდა.
ცნობისთვის, ლევან ზაზაზე ერთ-ერთია, ვინც 21 აპრილს რუსთაველის გამზირზე მიმდინარე აქციის დროს დააკავეს. ზაზაძე აღდგომის საღამოს პოლიციის მიერ დაკავებული გიორგი ორთოიძეს და მიხეილ სამხარაძის მხარდასაჭერად იყო მისული.