საქართველოს მეხუთე პრეზიდენტი, სალომე ზურაბიშვილი სერბეთში აგორებულ საპროტესტო ტალღას პლატფორმა X-ზე ეხმაურება.
ხალხის მიერ არჩეული პრეზიდენტი სოციალურ ქსელში წერს, საქართველოსა და სერბეთში საპროტესტო აქციები თავისუფლებისთვის ბრძოლაა რუსეთის ბატონობის წინააღმდეგ.
საპროტესტო აქციები საქართველოში და საპროტესტო აქციები სერბეთში ერთი და იგივე ბრძოლაა თავისუფლებისთვის, დემოკრატიისთვის, დამოუკიდებლობისთვის და რუსეთის ბატონობის წინააღმდეგ“, – წერს სალომე ზურაბიშვილი სოციალურ ქსელში.
17 იანვარს სერბეთში, პრეზიდენტის ალექსანდარ ვუჩიჩისა და სერბეთის სახელმწიფო ტელევიზიის წინააღმდეგ საპროტესტო აქცია გაიმართა, რომელშიც მონაწილეობა ათიათასობით დემონსტრანტმა მიიღო.
მომიტინგეები სერბეთის პრეზიდენტს კორუფციასა და ნეპოტიზმში, ხოლო სახელმწიფო მაუწყებელს მთავრობის სასარგებლოდ მიკერძოებაში ადანაშაულებენ.
ცნობისთვის, სერბეთში მთავრობის წინააღმდეგ მასშტაბური საპროტესტო აქციები მას შემდეგ დაიწყო, რაც ნოემბერში ქალაქ ნოვი სადის რკინიგზის სადგურის ჭერის ნაწილი ჩამოინგრა, რასაც 15 ადამიანი ემსხვერპლა.