დღეს, 13 დეკემბერს, ზუგდიდში მანქანებით მსვლელობა გაიმართება. ორგანიზატორების ინფორმაციით, ის სამხარეო ადმინისტრაციის მიმდებარე ტერიტორიიდან 17 საათზე დაიწყება
გარდა ამისა, მოქალაქეები ისევ გეგმავენ შეიკრიბონ ქალაქის ცენტრში, სახელმწიფო რწმუნებულის ადმინისტრაციის წინ.
„ვამხნევებთ ერთმანეთს, ვუზიარებთ შეხედულებებს და ველოდებით ჩვენს მეგობრებს, რომლებიც საყვირის ხმებით მიიტანენ სათქმელს ზუგდიდსა და მიმდებარე სოფლებში. არ დაგავიწყდეთ საწვიმრები, ქოლგები და დროშები შევხვდებით ქვეყნის სამსახურში“, – ვკითხულობთ ინფორმაციაში.
შეგახსენებთ, უკვე 15 დღეა, მოქალაქეების ნაწილი აპროტესტებს „ქართული ოცნების“ გადაწყვეტილებას, ევროკავშირთან მოლაპარაკებების გახსნის 2028 წლამდე შეჩერების შესახებ.
28 ნოემბრიდან, საპროტესტო დემონსტრაციები, საქართველოს მასშტაბით იმართება.