სახელმწიფო უსაფრთხოების სამსახური საქართველოს მოქალაქეების პროტესტს რუსული სპეცსამსახურების ტექსტებით აფასებს – ლილუაშვილის უწყება სპეციალურ განცხადებას ავრცელებს და ხელახალი არჩევნების მოთხოვნით ქუჩაში გამოსულ ათიათასობით ადამიანს უცხოეთიდან მართულებად მოიხსენიებს.
მეტიც, ჟურნალისტებზე ნიღბიანი ტიტუშკების თავდასხმას სუსი აქეთ აბრალებს ოპოზიციას.
როგორც ჩანს, არალეგიტიმური ხელისუფლება არც ნიღბიანი პოლიციელების მიერ მოქალაქეების წამებისა და სასტიკად ცემის ფაქტების გამოძიებას აპირებს და აცხადებს, რომ თუ მოქალაქეების პროტესტს მსხვერპლი მოყვება, ისევ ოპოზიციის ბრალი იქნება.