ცესკოს სხდომა, სადაც დღეს 2024 წლის საპარლამენტო არჩევნების საბოლოო შემაჯამებელი ოქმი უნდა გამოქვეყნდეს, პროტესტის ფონზე გაიხსნა, მაგრამ დაწყებიდან რამდენიმე წუთში შეწყდა.
ამის მიზეზი ცესკოში ენმ-ის წარმომადგენლის დავით კირთაძის საქციელი გახდა. მას შემდეგ, რაც ცესკოს თავმჯდომარემ მას მიკროფონი გამოურთო და სხდომიდან გაძევებით დაემუქრა, კირთაძე ცესკოს თავჯდომარეს მიუახლოვდა:
„შენ ხარ ჩვენი ქვეყნის სირცხვილი! შენი რეალური სახე არის შავი ლაქა, შენ ხარ შავი ლაქა!“ – მიმართა დავით კირთაძემ გიორგი კალანდარიშვილს და შავი სითხე შეასხა, რის შემდეგაც სხდომა შეწყდა.