აფხაზეთის დე ფაქტო პრეზიდენტმა ასლან ბჟანიამ ღამე მშობლიურ სოფელ ტამიშში გაატარა. მან მოსახლეობას მიმართა, საზოგადოებასა და ძალოვნებს მხარდაჭერისთვის მადლობა გადაუხადა და განაცხადა, რომ აფხაზეთიდან არსად აპირებს წასვლას.
შეგახსენებთ, პოზიციისა და საზოგადოების ნაწილის მოთხოვნაზე გადადგომის შესახებ ასლან ბჟანიამ უარი განაცხადა.
ე.წ. პარლამენტის დეპუტატები, რომლებიც მას წუხელ შეხვდნენ და ოპოზიციური პარტიების, ასევე საზოგადოების მოთხოვნა გადასცეს, კონკრეტული შედეგების გარეშე დაბრუნდნენ.
ამასთან, სატელეფონო საუბარში ე.წ. უშიშროების საბჭოს თავმჯდომარე ლოლუამ განაცხადა, რომ პრეზიდენტს არ ჩაუტარებია უშიშროების საბჭოს სხდომა, მაგრამ შეხვდა ძალოვანი სტრუქტურების ხელმძღვანელებს.
აფხაზური ე.წ. სახავტოოინსპექციის ხელმძღვანელი, ისევე როგორც სხვა სტრუქტურების უფროსები, აცხადებენ, რომ სამინისტროები და დეპარტამენტები წესდებისა და აფხაზეთში შექმნილი მდგომარეობის გათვალისდწინებით მუშაობენ.
ამავე დროს, ე.წ. პარლამენტის შენობასა და პრეზიდენტის ადმინისტრაციაში, სოოხუმში, ისევ რჩებიან აქტივისტები და დემონსტრანტები, რომლებიც ასლან ბჟანიას გადადგომასა და რიგგარეშე საპრეზიდენტო არჩევნების დანიშვნას მოითხოვენ.