მთავარისიახლეებისაზოგადოებაზუგდიდში შსს-ს პოლკოვნიკი განსაკუთრებულ დავალებათა დეპარტამენტის თანამშრომლებისგან "საეჭვო ოჯახის წევრთა" პირადობის მოწმობებს...

ზუგდიდში შსს-ს პოლკოვნიკი განსაკუთრებულ დავალებათა დეპარტამენტის თანამშრომლებისგან "საეჭვო ოჯახის წევრთა" პირადობის მოწმობებს ითხოვდა, ეს თანამშრომლები საერთაშორისო დამკვირვებლებს შევახვედრეთ – ანა წითლიძე

Published on

“ერთიანობა ნაციონალური მოძრაობის” ზუგდიდის ორგანიზაციის
თავმჯდომარემ, პარლამენტის წევრმა ანა წითლიძემ განაცხადა, რომ
პოლკოვნიკი პოლიკარპე ჯღამაძე ზუგდიდში გდდ-ს
თანამშრომლებს “საეჭვო ოჯახის წევრთა” სიასა და პირადობის
მოწმობებს სთხოვდა, რათა ისინი არჩევნებზე არ წასულიყვნენ.
ანა წითლიძის თქმით:
“ქართული ოცნების უსუსური და უბადრუკი მცდელობა, პირადობა
ჩამოართვას და სახლში დატოვოს ოპოზიციურად განწყობილი
ამომრჩევლები, ყოველდღიურად სრულდება კრახით ზუგდიდში.
დღეს მინდა საზოგადოებას მივაწოდო ინფორმაცია, რომელიც ეხება
ზუგდიდში შსს-ს განსაკუთრებულ საქმეთა დეპარტამენტს.
ზუგდიდში ამ დეპარტამენტის რამდენიმე განყოფილებაა და ისინი
არიან სანქცირებული “ხარებას” ზედამხედველობის ქვეშ. რამდენიმე
დღის წინ ჩვენ ამ დეპარტამენტის თანამშრომლებმა მოგვაწოდეს
ინფორმაციას, რომ დეპარტამენტის უფროსი, პოლკოვნიკი
პოლიკარპე ჯღამაძე მათგან ითხოვდა ჯერ ოჯახის წევრების სიას,
შემდეგ კი იმ საეჭვო ოჯახის წევრების პირადობის მოწმობების
მიტანას განყოფილებაში, რომლებიც არ აძლევენ ხმას “ქართულ
ოცნებას”.
მას შემდეგ, რაც ეს ინფორმაცია მოგვაწოდეს, ჩვენ გვქონდა
შესაძლებლობა, რომ ამ თანამშრომლებს პირადად ესაუბრათ
საერთაშორისო და ადგილობრივი სადამკვირვებლო მისიის
წარმომადგენლებთან. ამ ადამიანებმა დაასახელეს უკანონო
დავალებების მიმცემ პირთა სახელები და გვარები.

ჩვენი რეაგირების შემდეგ, პოლიკარპე ჯღამაძემ ეს ადამიანები
დაიბარა და უთხრა, რომ ჰქონდათ ინფორმაცია სადამკვირვებლოო
მისიების ინფორმირებულობის შესახებ და ამ ადამიანებს გაუუქმდათ
პირადობის მოწმობების მიტანის ვალდებულება.
ეს არის კიდევ ერთი დასტური იმისა, რომ უკანონო ბრძანებებს აღარ
ასრულებენ ამაყი საქართველოს მოქალაქეები, ზუგდიდელები და ეს
უკანონო ბრძანება პირადობის მოწმობების ჩამორთმევის შესახებ
სრულდება კრახით.
მაგრამ ახლა მე მინდა მივმართო შსს-ს განსაკუთრებულ დავალებათა
დეპარტამენტს და პოლკოვნიკ პოლიკარპე ჯღამაძეს: ხომ ნახეთ, რომ
თქვენი უკანონო ბრძანება დასრულდა კრახით, ხომ ნახეთ, რომ
თქვენი თანამშრომლები ამ ბრძანებას არ ასრულებენ, თქვენ იცით,
რომ არის კიდევ რამდენიმე ადამიანი, რომლებისთვისაც ეს უკანონო
დავალება გაქვთ მიცემული. მოგიწოდებთ, რომ დღის ბლომდე
კეთილი ინებოთ და ეს ადამიანები გაათავისუფლოთ ამ
ვალდებულებისგან”, – განაცხადა ანა წითლიძემ საგანგებო
ბრიფინგზე.

სიახლეები

გუშინ მშვიდად გეძინათ საბა ჯიქიას მიმართ გამოტანილი უსამართლო განაჩენის შემდეგ? – ნიკა კაცია მოსამართლე მჭედლიშვილს

გუშინ მშვიდად გეძინათ გამოტანილი უსამართლო განაჩენის შემდეგ? - ამ სიტყვებით მიმართა სინდისის პატიმარმა, ნიკა...

“პრაღის სამოქალაქო საზოგადოების ცენტრი” მზია ამაღლობელის დაუყოვნებლივ გათავისუფლებას მოითხოვს

"პრაღის სამოქალაქო საზოგადოების ცენტრი" მზია ამაღლობელის დაუყოვნებლივ გათავისუფლებას მოითხოვს - ჟურნალისტის მხარდამჭერ განცხადებაში ნათქვამია,...

კურსკში მოკლულია რუსი ბრიგადის მეთაური, პოლკოვნიკი სერგეი ილინი

2 ივლისს კურსკში მიმდინარე საბრძოლო მოქმედებების მსვლელობისას დაიღუპა 155-ე საზღვაო ფეხოსანთა ბრიგადის მეთაური, რუსი...

გაყინული რუსული აქტივების გამოყენებით ევროკავშირმა უკრაინას $1.2 მილიარდი გადასცა

უკრაინის პრემიერმინისტრმა დენის შმიგალმა 10 ივლისს განაცხადა, რომ უკრაინამ ევროკავშირისგან დამატებით 1 მილიარდი ევრო...