ფლორიდის შტატში, ვესტ პალმ ბიჩის გოლფის მოედანზე, დონალდ ტრამპის მიმართულებით გასროლა განახორციელა ამერიკის მოქალაქე რაიან ვესლი რუთმა, თუმცა სიშორის გამო, მიზანში ვერ მოახვედრა. საიდუმლო სამსახურის მიერ საპასუხო ცეცხლის გახსნის შემდეგ რუთი გაიქცა, მაგრამ მალე მაგისტრალზე დააკავეს.
რუთი 58 წლისაა. გამომძიებლების თქმით, ის შეიარაღებული იყო “AR-ტიპის” ავტომატით ტელესკოპური სამიზნით და 15 სექტემბერს ფლორიდაში გოლფის კლუბთან იმყოფებოდა, სადაც ტრამპი გოლფს თამაშობდა.
შეგახსენებთ, სროლა მოხდა იმ ადგილის მახლობლად, სადაც აშშ-ის ყოფილი პრეზიდენტი და პრეზიდენტობის ახლანდელი კანდიდატი დონალდ ტრამპი იმყოფებოდა.
სროლები გაისმა, როდესაც ყოფილი პრეზიდენტი გოლფის თამაშობდა ტრამპის საერთაშორისო გოლფის მოედანზე ვესტ პალმ ბიჩში. საქმის მცოდნე წყაროს თქმით, ყოფილი პრეზიდენტი ყველა მხრიდან დაცვამ დაფარა და უსაფრთხო ადგილას გადაიყვანა.