აშშ-ის ომის შემსწავლელი ინსტიტუტის ანალიტიკოსების თქმით, უკრაინის ძალებმა კურსკის ოლქში 10 კმ-ის სიღრმეზე შეაღწიეს და ამჟამად 45 კვ.კმ ტერიტორიას აკონტროლებენ.
სავარაუდოდ (სრული ინფორმაციული სიჩუმის რეჟიმში გადამოწმება შეუძლებელია), უკრაინის შეიარაღებული ძალები უკვე გასცდნენ ქალაქ სუჯას.
ამავე დროს, “ტიკ-ტოკ სპეცრაზმ “ახმატის” მეთაური ამბობს, რომ კურსკში ჩავიდა და უკრაინელი სამხედროებისგან ოლქის გაწმენდას აანონსებს.
გასული დღე-ღამის განმავლობაში 1.140-ზე მეტი რუსი ოკუპანტია მოკლული/დაჭრილი და/ან მწყობრიდან გამოყვანილი.
უკრაინელთა შეტევის ერთი კონკრეტული წერტილი, სავარაუდოდ, კურჩატოვი იქნება.
კურსკის კრიზისთან დაკავშირებულ კომენტარში პოდოლიაკი ამბობს, რომ პროცესები, რომლებიც ახლა მიმდინარეობს, დადებით გავლენა მოახდენს რუსეთთან მოლაპარაკებებზე. როგორც ჩანს, პოდოლიაკი ტერიტორიის გაცვლას გულისხმობდა.