ლანჩხუთის მუნიციპალიტეტის სოფელ სუფსაში “მთავარი არხის” გადამღებ ჯგუფს თავს დაესხნენ – არხის ჟურნალისტის, ლადო მენაბდის ცნობით, ანგარიშსწორება სიუჟეტზე მუშაობის დროს მოხდა.
ირკვევა, რომ სოფლის ცენტრში რამდენიმე ადამიანმა ჟურნალისტსა და მის ოპერატორს, თავდაპირველად, სიტყვიერი შეურაცხყოფა მიაყენა, რის შემდეგაც თავდამსხმელები მათ ფიზიკურად გაუსწორდნენ.
მომხდარის შედეგად “მთავარი არხის” ტექნიკაა დაზიანებული.