უკრაინაში გრძელდება საომარი მოქმედებები, ოკუპანტები ხარკოვისა და დონეცკის ოლქის დასახლებულ პუნქტებს კვლავ დიდი ძალებით უტევენ, მაგრამ ინფორმაცია მათი წარმატებული წინსვლის შესახებ, ძირითადად, უტრირებულია რუსი სამხედრო პროპაგანდისტი კორესპონდენტების მიერ.
21-დან 22 ივლისის განმავლობაში ფრონტის წინახაზებზე არსებული მდგომარეობა დიდად არ შეცვლილა:
- ხარკოვსა და ხარკოვის ოლქის დასახლებებში აფეთქებების ხმა ისმოდა, დანარჩენ რეგიონებში, ძირითადად, სიმშვიდე იყო;
- რუსეთში, ტუაფსესა და მიმდებარე ტერიტორიაზე, დრონებით შეტევები დაფიქსირდა, ოფიციალური ინფორმაცია ჯერ არცერთ მხარეს არ გაუვრცელებია;
- გასული დღე-ღამის განმავლობაში ფრონტის ცხელ წერტილებში მტერთან 77 შეტაკება დაფიქსირდა, განსაკუთრებული აქტიურობა პოკროვსკოეს მიდამოებში შეინიშნებოდა, ასევე, მტერი დიდი ძალებით უტევდა ხარკოვისა და კუპიანსკის მიმართულებებს.