პირი, რომელმაც პენსილვანიაში, მხარდამჭერებთან შეხვედრის დროს ცეცხლი გაუხსნა დონალდ ტრამპს, განეიტრალებულია. ის საიდუმლო სამსახურის თანამშრომლებმა მოკლეს, მაგრამ მანამდე სნაიპერმა 7-ჯერ გასროლა მოასწრო, რასაც კიდევ ორი ადამიანი ემსხვერპლა, თავად ტრამპი კი მსუბუქად, ყურში დაიჭრა.
დონალდ ტრამპი შემთხვევის ადგილიდან გაძლიერებული დაცვის თანხლებით გაიყვანეს. მოგვიანებით მას სამედიცინო დახმარება აღმოუჩინეს, რის შემდეგაც ჰოსპიტალი დატოვა. მის ჯანმრთელობას საფრთხე არ ემუქრება.
“გასროლის ხმა გავიგონე, მერე კი ვიგრძენი, როგორ გახვრიტა ტყვიამ კანი”, – “წარმოუდგენელია, რომ ასეთი რამ ჩვენ ქვეყანაში მოხდა”, – განაცხადა დონალდ ტრამპმა.
20 წლის თომას მეთიუ კრუსკი – დონალდ ტრამპზე თავდამსხმელი ამოცნობილია. ის საიდუმლო პოლიციის თანამშრომლებმა მოკლეს. ცნობილია, რომ სნაიპერი შენობის სახურავზე იმყოფებოდა და ტრამპის გამოსვლის ადგილიდან (ტრიბუნიდან) ასიოდე მეტრით იყო დაშორებული. შემთხვევის ადგილზე AR ტიპის იარაღია აღმოჩენილი. ამ დროისთვის არსებული ინფორმაციით, თავდამსხმელი მარტო მოქმედებდა, მისი მოტივი უცნობია.
მოხარული ვარ, რომ ტრამპი კარგადაა, ვლოცულობ მისთვის – ჯო ბაიდენი