იტალიაში საქართველოს 2 მოქალაქე დააკავეს – მოპარულ ნივთებს შორისაა კბილის ჯაგრისები

0
62

იტალიაში ქურდობის ბრალდებით საქართველოს ორი მოქალაქე დააკავეს – ადგილობრივი მედიის ცნობით, 30 და 33 წლის ქართველები სან-კონკორდიოს სადგურისა და ლუკას რადიომობილების განყოფილების წარმომადგენლებმა დააკავეს.

ცნობილია, რომ მათ ორი სხვადასხვა მაღაზია გატეხეს – პირველი შემთხვევა 11:30 საათზე მოხდა – სუპერმარკეტის დაცვამ 30 წლის კაცი გააჩერა, რომელიც სხვადასხვა ნივთის მოპარვას ცდილობდა, მას ზურგჩანთში 600 ევროზე მეტი ღირებულების პროდუქცია ეწყო.

მეორე შემთხვევა კი მოგვიანებით, 14:45 საათზე მოხდა. 33 წლის ქართველ კაცს მაისურის ქვეშ დამალული ჰქონდა ორი შეკვრა უკაბელო ყურსასმენი და 8 შეკვრა Oral-B კბილის ჯაგრისი, ჯამში კი მათი ღირებულება დაახლოებით 300 ევრო იყო.

კარაბინიერებმა ისინი თავდაპირველად დროებითი მოთავსების იზლატორში გადაიყვანეს, მოგვიანებით კი სასამართლომ მათი დაპატიმრების ნებართვა გასცა.

წინა სტატიაეს პლატფორმა არის და იქნება ჩრდილოვანი გავლენებისგან თავისუფალი – ნიკა მელია
შემდეგი სტატიასაქართველოს გაწევრიანების პროცესი ჩერდება, რაც ახლა ევროკავშირის პოლიტიკაა – ფიშერი
ტელეკომპანია ოდიშის საინფორმაციო სამსახური