მხოლოდ კიევში 15 დაღუპული, 37 დაჭრილი, აქედან 7 – ბავშვი…

0
52

კიევშზე რუსული სარაკეტო შეტევის შედეგად უკვე 15 ადამიანია დაღუპული, 37 კი დაჭრილია. დაჭრილთა შორის 7 ბავშვია. საერთო ჯამში, 10 დაჭრილის მდგომარეობა ამ დრომდე მძიმე რჩება. 

რუსმა ოკუპანტებმა უკრაინის რამდენიმე ქალაქისკენ 40-მდე რაკეტა ისროლეს. კიევში რაკეტა ბავშვთა საავადმყოფოს იმ კორპუსს მოხვდა, სადაც დიალიზის აჭიროების მქონე ბავშვები მკურნალობდნენ. ისინი ახლა სამედიცინო პროცედურებს ღია ცის ქვეშ გადიან. 

კიევის გარდა, დაიბომბა დნიპრო, კრივოი როგი, სლავიანსკი და კრამატორსკი. კრივოი როგში 10 ადამიანი დაიღუპა, ერთი დნიპროში, ხოლო კიდევ ერთი ადამიანი ემსხვერპლა დაბომბვას დონეცკის ოლქის ქალაქ პოკროვსკში. მონაცემები, შესაძლოა, ისევ შეიცვალოს. 

“კიევის შევჩენკოს რაიონში ერთი სადარბაზო მთლიანად ჩამოშლილია, ახლა მაშველები ნანგრევებიდან ადამიანების ამოყვანას ცდილობენ, მათი ხმები ისმის”, – ამბობდა კიევის მერი ვიტალი კლიჩკო დაახლოებით 15:00-ზე. 

წინა სტატიაადამიანები ნანგრევების ქვეშ არიან, რუსეთმა სრულად უნდა აგოს პასუხი ყველა დანაშაულზე – ზელენსკი ბავშვთა საავადმყოფოს დაბომბვაზე
შემდეგი სტატია28 დაღუპული, 112 დაჭრილი – უკრაინაზე რუსეთის სარაკეტო შეტევის ედეგები
ტელეკომპანია ოდიშის საინფორმაციო სამსახური