რუსეთის საოკუპაციო ძალების მიერ, უკანონოდ დაკავებული ზურაბ ლობჟანიძე თავისუფალია

0
61

რუსეთის საოკუპაციო ძალების მიერ ოკუპირებულ სოფელ ბალთას მიმდებარედ უკანონოდ დაკავებული ზურაბ ლობჟანიძე თავისუფალია და ცენტრალური ხელისუფლების კონტროლირებად ტერიტორიაზე იმყოფება – ამის შესახებ ინფორმაციას სუს-ი ავრცელებს.

ზურაბ ლობჟანიძის უკანონო პატიმრობიდან გათავისუფლების პროცესში აქტიურად გამოიყენებოდა როგორც საქართველოში ევროკავშირის მონიტორინგის მისიის (EUMM) მიერ ოპერირებადი „ცხელი ხაზის“ მექანიზმი, ისე ცენტრალური ხელისუფლების ხელთ არსებული ყველა რელევანტური ინსტრუმენტი.
საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ ყველა დესტრუქციულ ქმედებაზე პასუხისმგებლობა საოკუპაციო ძალას ეკისრება.
ცენტრალური ხელისუფლება, საერთაშორისო პარტნიორებთან ერთად, განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად.” ნათქვამია სახელმწიფო უსაფრთხოების სამსახურის მიერ გავრცელებულ ინფორმაციაში.

ლობჟანიძის გატაცების შესახებ ინფორმაცია გუშინ გავრცელდა.

წინა სტატიამომდევნო დღეებში ტემპერატურა +38 გრადუსამდე მოიმატებს
შემდეგი სტატიაგელათში ვიზიტორებისთვის შეზღუდვები დაწესდა
ტელეკომპანია ოდიშის საინფორმაციო სამსახური