“ვფიქრობ, თქვენ უფრო მეტს ნახავთ…” – ენტონი ბლინკენი “რუსული კანონის” გამო სანქციების შესახებ

0
39

აშშ-ის სახელმწიფო მდივანმა ენტონი ბლინკენმა რუსულ კანონთან დაკავშირებით ისაუბრა.

ჩვენ მივიღეთ ზომები შეშფოთების საჩვენებლად, ვფიქრობ, თქვენ უფრო მეტს ნახავთ – განაცხადა მან.

ბლინკენის თქმით, ვაშინგტონში მკაფიოდ გამოხატეს პოზიცია კანონის დამტკიცებასთან დაკავშირებით და მიიღეს ზომები, ამასთან დაკავშირებით კი „სავარაუდოდ, უფრო მეტს ვნახავთ“.

„საქართველოში „უცხოელი აგენტების კანონთან“ დაკავშირებით ჩვენ და ბევრმა სხვა ქვეყანამაც არამხოლოდ გამოვხატეთ ღრმა შეშფოთება, განსაკუთრებით მისი დამტკიცებისას, არამედ ჩვენ მივიღეთ ზომები, რომ მოგვეხდინა ჩვენი შეშფოთების მანიფესტაცია. მე ვფიქრობ, რომ, სავარაუდოდ, ამის შესახებ თქვენ უფრო მეტს ნახავთ“, – განაცხადა ენტონი ბლინკენმა ერთ-ერთი მონაწილის მიერ დასმული შეკითხვის საპასუხოდ.

მისი თქმით, საქართველოს მოსახლეობის უმრავლესობამ ევროპული გზა აირჩია და ხალხის არჩევანი მკაფიოა.

ასევე ბლინკენის თქმით, სამხრეთ კავკასიის ქვეყნებს აქვთ როგორც გამოწვევები, ისე დიდი შესაძლებლობები, რომელთა რეალიზებაც შესაძლებელია.
რუსული კანონის დამტკიცების შემდეგ აშშ-ის სახელმწიფო დეპარტამენტის პრესსპიკერმა განაცხადა, რომ ათობით პირს სავიზო შეზღუდვები დაუწესდათ სანქციის სახით.

წინა სტატიასაქართველოს ნაკრები თბილისშია – ფეხბურთელები აეროპორტიდან ცოცხალი ჯაჭვით გააცილეს
შემდეგი სტატიაUEFA-მ დორტმუნდში გულშემატკივრებს შორის ჩხუბის გამო, საქართველოს ფეხბურთის ფედერაცია 30 000 ევროთი დააჯარიმა
ტელეკომპანია ოდიშის საინფორმაციო სამსახური