“ახალი” ოპოზიციის ერთიან სიას არ ეთანხმება – ნიკა გვარამია

0
45

პარტია “ახალის” თანათავმჯდომარე, ნიკა გვარამია ამბობს, რომ მის პარტიას სკეპტიკური დამოკიდებულება აქვს არჩვნებში ოპოზიციის საერთო სიით მონაწილეობაზე. მისი თქმით, დღევანდელი მდგომარეობით ამ საკითხზე საუბარი სპეკულაციაა, ხოლო თუ დარწმუნდებიან, რომ ეს არის ერთადერთი და უალტერნატიოვო გზა ბიძინა ივანიშვილის დასამარცხებლად, ამ მიზანზე უარს არ იტყვიან.

“არა საერთო სიას, ჩვენ პარტიას არ უთქვამს, ჩვენ გამოვთქვამთ სკეპტიკურ დამოკიდებულებას რამდენად არის ეს გამარჯვების ფორმულა. თუ ეს აღმოჩნდება ერთადერთი და უალტერნატივო და ყველაზე ეფექტიანი გზა ბიძინა ივანიშვილის დასამარცხებლად, ჩვენ არ ვაპირებთ ამ მიზანზე უარის თქმას. მაგრამ დღეის მდგომარეობით, ეს არის მხოლოდ სპეკულაცია, რომ ეს არის გამარჯვების ერთადერთი ფორმულა, ამიტომ ჩვენ ამ სპეკულაციას ვერ ავყვებით, ჩვენ ვმუშაობთ და მოვლენების განვითარებას ვაკვირდებით, გადაწყვეტილებას მივიღებთ ძალიან რაციონალურად, ციფრებზე დაყრდნობით, არავითარი ემოციური ფონი ჩვენთვის მნიშვნელოვანი არ არის, ჩვენ გვინდა ბიძინა ივანიშვილის დამარცხება და არა რაღაც გადაწყვეტილებები, რომლებიც ჩვენთვის ამ წუთში გაუგებარია რით არის ნაკარნახევი. ჩვენ არასდროს არ გავემიჯნებით ჩვენ საერთო მიზანს, ყველასთვის საერთო მიზანს, ბიძინა ივანიშვილის ხელისუფლების შეცვლას, მაგრამ ცალკეული ჯგუფების, პარტიების ან ადამიანების მოსაზრებას, მხოლოდ ემოციაზე და მათ პოლიტიკურ ანალიზზე, ჩვენი აზრით მცდარ ანალიზზე დაფუძნებულს, რომ ყველა ერთად უნდა ვიყოთ და ერთ კალათაში, ჩვენ ამ წუთში არ ვეთანხმებით, იმიტომ, რომ მიგვაჩნია, ეს არ არის გამყარებული არც ერთი რაციონალური წინაპირობით. როგორი იქნება ამ მიმართულებით მოვლენების განვითარება, ამას დავაკვირდებით და ვნახავთ. […] ჩვენი რეიტინგი არის უპრეცედენტოდ მაღალი დამწყები პარტიისთვის, ის არის ორნიშნა, ძალიან მალე ახალი გახდება ყველაზე მაღალრეიტინგული ოპოზიციური პარტია, ამის შემდეგ, არა მხოლოდ ამის შემდეგ, ამაზე არ არის დამოკიდებული ჩვენი გადაწყვეტილება, სხვადასხვა გარემოებების გათვალისწინებით, მათ შორის კვლევების გათვალისწინებით, ჩვენ მივიღებთ გადაწყვეტილებას, რა იქნება სწორი ბიძინა ივანიშვილის უპირობოდ დასამარცხებლად”, – თქვა გვარამიამ.

წინა სტატიაწალენჯიხის აკადემიის მოსწავლეები “იუვენტუსის” აკადემიების მსოფლიო ჩემპიონატში მიიღებენ მონაწილეობას
შემდეგი სტატიაპაპუაშვილისთვის დასავლელი პარტნიორების შენიშვნები გაუგებარია
ტელეკომპანია ოდიშის საინფორმაციო სამსახური