საბაჟო გამშვები პუნქტი “ყაზბეგის” მუშაობა დროებით შეჩერებულია – თანამშრომლები და მგზავრები უსაფრთხო ადგილზე გადაიყვანეს

0
49

ფინანსთა სამინისტროს შემოსავლების სამსახურის ცნობით, საბაჟო გამშვები პუნქტი “ყაზბეგის” მუშაობა დროებით შეჩერებულია. მიზეზი მდინარე დევდორაკის დონის მატებაა.

შსს-ში დილით, მდინარე “დევდორაკში” დამონტაჟებული საზომი დეტექტორიდან, შევიდა სასიგნალო შეტყობინება, დეტექტორი კალაპოტში დინების მინიმალური აწევის შემთხვევაში ცვლილებას აფიქსირებს.

საბაჟო პუნქტიდან თანამშრომლები და მგზავრები უსაფრთო ტერიტორიაზე გაიყვანეს.

“საქართველოს საბაჟო საზღვარზე საქონლის შემოტანა-გატანა, აგრეთვე აღნიშნული საბაჟო გამშვები პუნქტის გავლით სახელმწიფო საზღვრის გადამკვეთ ფიზიკურ პირთა მიმართ საბაჟო კონტროლის პროცედურები ვერ განხორციელდება.

უსაფრთხოების უზრუნველყოფის მიზნით, შესაბამის სახელმწიფო უწყებებთან კოორდინირებული მუშაობის შედეგად, ფინანსთა სამინისტროს შემოსავლების სამსახურის საბაჟო გამშვებ პუნქტში ,,ყაზბეგი“ თანამშრომლები და მგზავრები გადაყვანილი არიან დაცულ/უსაფრთხო ტერიტორიაზე.

საფრთხის მოხსნის შემდეგ (ადიდებული მდინარის დონის დაწევისთანავე), საბაჟო გამშვები პუნქტი „ყაზბეგი“ ჩვეულ რეჟიმში, სრული დატვირთვით გააგრძელებს მუშაობას. შესაბამისად, მგზავრებისა და ტვირთების გატარება შეუფერხებლად განხორციელდება”, – წერია განცხადებაში.

წინა სტატია“ჩვენი სამშობლოს მომავალი თქვენს ხელშია!” – მიხეილ სააკაშვილის მიმართვა ახალგაზრდებს
შემდეგი სტატიაზუგდიდში კოსტავას 36 ნომერში, სადზღვევო კომპანია ‘’ჯიპი აი ჰოლდინგის’’ ახალი ფილიალი გაიხსნა
ტელეკომპანია ოდიშის საინფორმაციო სამსახური