დღეს საქართველო კრემლის მიერ კონტროლდება, მალე იმ მოქალაქეებსაც აღარ შეუშვებენ ქვეყანაში, ვინც ოკუპანტი რუსეთისა და პუტინის წინააღმდეგია – გონჩარენკო

0
63

უკრაინის რადას დეპუტატი, ოლექსეი გონჩარენკო ეხაურება უკრაინის მოქალაქეების განცხადებებს, რომლებიც საქართველოს საზღვარზე არსებულ მკაცრ კონტროლზე საუბრობენ.

გონჩარენკო “მთავართან” ინტერვიუში ამბობს, რომ არ ფლობს ინფორმაციას საზღვარზე შექმნილ სიტუაციასთან დაკავშირებით. თუმცა, ის ფიქრობს, რომ დღეს საქართველო პუტინისა და კრემლის მიერ კონტროლდება.

“დღეს საქართველოში სამწუხაროდ კიდევ უფრო ნათლად იკვეთება რუსული გავლენები. ეს პრინციპში ივანიშვილის აქციაზე გამოჩენამ და მისმა გამოსვლამაც დაადასტურა, რომ ბოლომდე პუტინისტური გეგმის მიხედვით მოქმედებს. დღეს საქართველომ უნდა აირჩიოს თავისი მომავალი – სურს იყოს რუსეთის მხარეს თუ ჰქონდეს ევროპული მომავალი. ცხადია, ივანიშვილსა და მის გარემოცვას ქვეყანა იზოლაციისკენ მიჰყავს. მე ამ ფაქტების შესახებ არ ვიცი. თუმცა, დარწმუნებული ვარ, რომ დღეს საქართველო პუტინისა და კრემლის მიერ კონტროლდება და, ამიტომ, არამარტო უკრაინელებს, არამედ მალე ყველა სხვა ქვეყნის იმ მოქალაქეებსაც აღარ შეუშვებენ საქართველოში, ვინც ოკუპანტი რუსეთის და პუტინის წინააღმდეგია,” – ამბობს გონჩარენკო.

წინა სტატიაწალენჯიხაში აკადემია “იუვენტუსის” ფრანგმა ფეხბურთელმა დევიდ ტრეზეგემ გახსნა
შემდეგი სტატიასტრატკომის სამსახური გაუქმდა – მთავრობა უპრეცედენტო სკანდალში ეხვევა
ტელეკომპანია ოდიშის საინფორმაციო სამსახური