სტრასბურგმა მიხეილ სააკაშვილის საქმეზე დარღვევა არ დაადგინა

0
56

სტრასბურგის სასამართლომ მიხეილ სააკაშვილის საქმეზე განმცხადებლის მიმართ კონვენციის მე-18 მუხლის დარღვევა არ დაადგინა. ადამიანის უფლებათა ევროპული სასამართლოს გადაწყვეტილებას სპეციალური ბრიფინგით გამოეხმაურა იუსტიციის მინისტრი. სარჩელი ვალერი გელაშვილის ცემისა და გირგვლიანის შეწყალების საქმეს ეხებოდა.

“საქმეში “სააკაშვილი საქართველოს წინააღმდეგ” სრულად გაიმარჯვა ქართულმა სახელმწიფომ. როგორც საზოგადოებას კარგად მოეხსენება, მსჯავრდებული არ ეთანხმებოდა ქართული მართლმსაჯულების გადაწყვეტილებას და სტრასბურგის სასამართლოში დავობდა მოსამართლის მიკერძოებულობის, არასაკმარისი მტკიცებულებებისა და პოლიტიკური დევნის თაობაზე.

სასამართლომ სრულად გაიზიარა მთავრობის სამართლებრივი პოზიცია წარდგენილ მტკიცებულებებთან ერთად და დაადგინა, რომ გირგვლიანის და გელაშვილის საქმეებზე სააკაშვილის მიმართ წარმოებული გამოძიება, სისხლის სამართლებრივი დევნა და მსჯავრდება სრულ შესაბამისობაშია ევროპული კონვენციის სტანდარტებთან”, – თქვა რატი ბრეგაძემ.

წინა სტატიაარსებული ინფორმაციით, დაჭრილია ერთი ადამიანი
შემდეგი სტატია“ქართული ოცნების” ყოფილი დეპუტატები ყოფილ კოლეგებს მიმართავენ
ტელეკომპანია ოდიშის საინფორმაციო სამსახური