ლაზარე გრიგორიადისმა საპატიმრო შესაძლოა დღეს დატოვოს

0
90

ლაზარე გრიგორიადისმა ციხე შესაძლოა დღეს დატოვოს. მას შემდეგ, რაც პრეზიდენტმა რუსული კანონის საწინააღმდეგო დემონსტრაციების მონაწილის შეწყალების გადაწყვეტილება მიიღო, უფლებადამცველები ათონელის რეზიდენციიდან გლდანის სასჯელაღსრულების დაწესებულებაში შესაბამისი ხელმოწერილი დოკუმენტის გადაგზავნას ელოდებიან. ამის შესახებ კი ინფორმაცია პრეზიდენტის ადმინისტრაციას ჯერჯერობით არ გაუვრცელებია.

“პრეზიდენტმა უნდა მოაწეროს ხელი შეწყალებას, თუ უკვე მოწერილი არ აქვს. მას შემდეგ შეწყალების აქტი იგზავნება პენიტენციურ დაწესებულებაში და პენიტენციური დაუყოვნებლივ ათავისუფლებს მსჯავრდებულს…ჩვენ ვართ მოლოდინის რეჟიმში. რა დროსაც შეგვატყობინებენ, ჩვენ აუცილებლად დავიძვრებით გლდანის N8 პენიტენციური დაწესებულებისკენ. დასვენების დღეები, როგორც წესი, ამ შემთხვევაზე არ მოქმედებს,” – ამბობს ლაზარეს ადვოკატი, ლიკა ბითაძე.

პარალელურად, სახელისუფლებო პროპაგანდა, სალომე ზურაბიშვილის გადაწყვეტილების შემდეგ, მის წინააღმდეგ ახალი ძალებით ამუშავდა. სამთავრობო-პროპაგანდისტულ არხზე გადაცემის დაწყებამდე, კადრს მიღმა, ეთერში გავიდა შალვა რამიშვილისა და გოგა ხაინდრავას დიალოგიც. ჩანაწერში რამიშვილი იმუქრება და ამბობს, რომ ლაზარე ხელისუფლებამ ისევ უნდა დაიჭიროს.

წინა სტატიააღმოსავლეთის ფრონტზე სიტუაცია არსებითად გამწვავებულია – ოლექსანდრ სირსკი
შემდეგი სტატიავიოლა ფონ კრამონი – მადლობა პრეზიდენტ სალომე ზურაბიშვილს
ტელეკომპანია ოდიშის საინფორმაციო სამსახური