“რაც გაგივიდათ შარშან, არ გაგივათ… ” – პაპუაშვილის მუქარა

0
64

პარლამენტის თავმჯდომარე პაპუაშვილი ოპოზიციას მიკროფონის გათიშვით ემუქრება, ტერმინ რუსული კანონის გამოყენების შემთხვევაში.
პაპუაშვილი თანაგუნდელების მსგავსად ამტკიცებს,რომ საქართველოს პარლამენტი არანაირ რუსულ კანონს არ იღებს.

“ეს პათეტიკა, რაც გაგივიდათ შარშან არ გაგივათ…კიდევ ერთხელ, ეს არის ანტიქართული პროპაგანდა, რომელსაც თქვენ ეწევით ქართულ პარლამენტში და ამის ძახილს პარლამენტში, ამის უფლებას არ მოგცემთ. ყველასთან გავთიშავ მიკროფონს, ვინც რუსულ კანონს გამოიყენებს.” – ამბობს პაპუაშვილი.

ცნობისთვის, “ქართულმა ოცნებამ” პირობა ისევ გადათქვა და “რუსულ კანონის” ჩაგდებიდან 1 წლისა და ერთი თვის შემდეგ კანონპროექტს ისევ უკან აბრუნებს.

უმრავლესობის ლიდერმა, მამუკა მდინარაძემ თქვა, რომ კანონი მიმდინარე სესიის ბოლომდე იქნება სამივე მოსმენით მიღებული და ის დღესვე დაინიცირდება. კანონპროექტის ტექსტში განსხვავება მხოლოდ ტერმინი ” უცხოური გავლენის აგენტი” იქნება, დანარჩენი კი სრულიად უცვლელი იქნება.

ცნობისთვის, “ოცნებამ” 2023 წლის მარტში ვერ შეძლო “უცხოური აგენტების შესახებ” კანონის მიღება. პირველი მოსმენით კანონპროექტის მიღებას საზოგადოების ყველა სფეროს წარმომადგენლების, არასამთავრობო ორგანიზაციების მწვავე პროტესტი მოჰყვა. აღნიშნულს აკრიტიკებდნენ საერთაშორისო პარტნიორები, მათ შორის ამერიკა და ევროკავშირი. 7 მარტს პარლამენტის წინ შეკრებილი მშვიდობიანი დემონსტრანტების წინააღმდეგ “ოცნების” ხელისუფლებამ და პოლიციამ ცრემლსადენი გაზი და წყლის ჭავლი გამოიყენა. იგივე განმეორდა 8 მარტსაც.

პროტესტის შემდეგ, ხელისუფლება იძულებული გახდა რუსული კანონი უკან გაეწვია და მეორე მოსმენაზე ჩაეგდო. მაშინ “ოცნების” ერთ-ერთმა ლიდერმა, ირაკლი კობახიძემ თქვა – “ჩვენს გეგმებში ასეთი კანონის დაინიცირება აღარ შედის”, თუმცა ერთი წლისა და ერთი თვის შემდეგ, იგივე ხდება

წინა სტატიამივმართავთ “ოცნებას”, სტუდენტები რუსულ კანონს არ გაგატანინებთ!
შემდეგი სტატიაესაა ხაფანგი, “ოცნების” სიტყვას აქვს ჩალის ფასი! ნუ დავთმობთ საქართველოს!- ნიკა გვარამია
ტელეკომპანია ოდიშის საინფორმაციო სამსახური