“ამ თავხედურ თავდასხმაზე ერთადერთი ადეკვატური პასუხი არის „არა რუსულ მთავრობას!”- გირჩი-მეტი თავისუფლება და დროა

0
67

ივანიშვილის შურისძიება ყველა იმ ადამიანის მიმართ, ვინც ევროპული მომავლისთვის იბრძოდა – ასე აფასებს “გირჩი-მეტი თავისუფლება” და “დროა” რუსული კანონის ხელახლა დაინიცირების განაცხადს. პარტიები ერთობლივ განცხადებას ავრცელებენ, სადაც ნათქვამია, რომ საქართველოს რუსულმა ხელისუფლებამ გადაწყვიტა, ამ ისტორიულ მომენტში, ქვეყანას დამატებითი დაბრკოლება შეუქმნას.

“რუსული კანონის დაბრუნება ივანიშვილის თავხედური პროვოკაციაა ქართველი ხალხის და ჩვენი ქვეყნის ევროპული მომავლის წინააღმდეგ.

მას შემდეგ, რაც საქართველოს მოქალაქეთა თავგანწირვისა და ევროკავშირის მიერ გეოპოლიტიკური გარემოს სწორი შეფასების წყალობით, ევროკავშირის წევრობის კანდიდატის სტატუსი მოგვენიჭა, საქართველოს რუსულმა ხელისუფლებამ გადაწყვიტა, ამ ისტორიულ მომენტში, ქვეყანას დამატებითი დაბრკოლება შეუქმნას.

ეს არის ივანიშვილის შურისძიება ყველა იმ ადამიანის მიმართ, ვინც ერთად ვიბრძოდით თითოეული ჩვენგანის ევროპული მომავლისთვის, მარტის მოვლენების დროს. ეს პროვოკაცია განსაკუთრებით თავხედური და ცინიკურია იმ ფონზე, როდესაც ლაზარე გრიგორიადისი კვლავაც ციხეში პოლიტიკურ მძევლად რჩება.

საქართველო ევროპაა და არასოდეს იქნება რუსეთი!

მიგვაჩნია, რომ ამ თავხედურ თავდასხმაზე ერთადერთი ადეკვატური პასუხი არის „არა რუსულ მთავრობას!“. ამ გეოპოლიტიკურ ბრძოლაში გამარჯვება საჭიროებს ქართული საზოგადოების სრულ კონსოლიდაციასა და გაერთიანებას.

ჩვენ ვიბრძოდით, ვიბრძვით და ვიბრძოლებთ ჩვენი ქვეყნის ევროპული მომავლისთვის.

არა რუსულ რეჟიმს!” ნათქვამია ერთობლივ განცხადებაში.

წინა სტატია“ოცნებამ” იცის, რომ მათი მმართველობა მთავრდება, ამ რუსული კანონის შემოგდებით, ივანიშვილს სიტუაციის არევა სურს – მიხეილ სააკაშვილი
შემდეგი სტატიაბოდიშს ვიხდი ბატონ პაპუაშვილთან რომ ამ ტერმინს ვხმარობ, მაგრამ რუსული კანონის ინიცირებით, ოცნებამ ევროპას უთხრა არა – ზურაბიშვილი
ტელეკომპანია ოდიშის საინფორმაციო სამსახური