უკრაინაში გმირულად დაცემული “ჭანო” სამშობლოში გამოაცილეს

0
276

ქართველი მეომარი, რომელიც უკრაინაში 2012 წლიდან იბრძოდა და ცოტა ხნის წინ გმირულად დაეცა, საქართველოში გამოაცილეს. კიევის წმინდა ვოლოდიმირის სახელობის ტაძრიდან თანამებრძოლები და მეგობრები თენგიზ ჭანიას დაემშვიდობნენ.

“გაგაცილე შენი სახლისკენ, ჩემო ძმაო… როგორ მენანები მიწისთვის, სიზმარში მგონია თავი, გაანათლოს შენი მეომარი სული… შეხვედრამდე, თენგიზ, ჯიმა! ზაალის გუში მუდამ დარჩები…”, – ამ სიტყვებით დაემშვიდობა მეგობარსა და თანამებრძოლს კიევში დღეს ზაალ ლატარია – ერთ-ერთი გამორჩეულთაგანი მათგან, ვინც დღეს უკრაინის დასაცავად იბრძვიან.

 თენგო ჭანია, იგივე “ჭანო” მესამე მოიერიშე ბრიგადის (“აზოვი”) მებრძოლი იყო და ავდეევკის მიმართულებაზე მას შემდეგ დაეცა გმირულად, რაც მტრის სანგარი აიღო და მისი მისამართით ჭურვი ისროლეს.

“ჭანო”, რომელიც აფხაზეთიდან დევნილი და 2008 წლის რუსეთ-საქართველოს ომის მონაწილეეცაა, ოჯახთან ერთად ანაკლიაში ცხოვრობდა. ის ორი შვილის მამა იყო და არის კიდეც – საამაყო მამა…

“ჭანო” უკრაინიდან საქართველოსკენ კიევის წმინდა ვოლოდიმირის სახელობის ტაძრიდან გააცილეს. საქართველოში ცხედრის ჩამოსვენების თარიღს დაზუსტების შემდგომ აუცილებლად გაგაგებინებთ…

წინა სტატია“ჩვენ ვენდეთ ევროკავშირს და ევროკავშირმა გაგვიცრუა იმედები” -პაპუაშვილი
შემდეგი სტატიადღეს კოლონიიდან შაქრო კალაშოვი გამოდის – “დიდი გარჩევები” იწყება…
ტელეკომპანია ოდიშის საინფორმაციო სამსახური