რა ვიცით უკრაინაზე წუხელ განხორციელებული მასობრივი იერიშის დეტალებზე:
🔹 ოკუპანტები ღამით “შაჰიდებსა” და “კინჟალის” რაკეტებს უშვებდნენ უკრაინის მიმართულებით. საჰაერო განგაში მთელ უკრაინაში იყო გამოცხადებული.
🔹 აფეთქების ხმები ისმოდა დნეპრსა და დნეპრის ოლქში, ჩერკასკის, ხმელნიცკის, ივანოვო-ფრანკოვოსა და ლვოვის მიდამოებში.
🔹 დნეპროპეტროვსკის ოლქში სამიზნე იყო ინფრასტრუქტურული ობიექტების ნაწილი. კამენნის რაიონში ერთი ადამიანი დაიჭრა.
🔹პოლონეთმა გუშინ ღამითაც ასწია თვითმფრინავები ცაში – მიზეზი რუსეთის მიერ დაწყებული თავდასხმა იყო.
🔹 ასევე, გავრცელდა ინფორმაცია, რომ ორმა რაკეტამ მოლდოვის საზღვარი გადაკვეთა, თუმცა, ამის ოფიციალური დადასტურება არ არსებობს.
ამას გარდა, გავრცელებული ინფორმაციის მიხედვით, ჰაერში აწეული იყო ნატოს წევრი კიდევ სხვა სახელმწიფოების სამხედრო თვითმფრინავები.