დღევანდელი მონაცემებით, ჩვენი მხარდაჭერა არის დაახლოებით 60% – პრემიერი

0
71

საქართველოს პრემიერი ირაკლი კობახიძე აცხადებს, რომ ქართული საზოგადოება “კოლექტიურ ნაცმოძრაობას” გამარჯვების შანსს არ მისცემს. 

მისი თქმით, რაც უფრო მეტი 2 და 3%-იანი პარტიები იქნება, მით უკეთესია ხელისუფლებისთვის და მმართველი პარტიისთვის:

“რაც შეეხება ოპოზიციას, “ნაცმოძრაობის” მაჩვენებელი არის 15%-ს ჩამოცდენილი და ვერცერთი სხვა პარტია ვერ ლახავს საარჩევნო ბარიერს. ეს არის დღევანდელი მოცემულობა. რაც უფრო მეტად იქნება ფრაგმენტირებული ოპოზიცია, მით უკეთესი. რა თქმა უნდა, ისეთ ადამიანებს, როგორებიც არიან ხაზარაძე, მელია, გვარამია და სხვები, თითოეული მათგანი არის მხილებული ოფიციალურად დანაშაულში.

როცა ასეთი ადამიანები გამოთქვამენ პოლიტიკაში ყოფნის პრეტენზიას, რა თქმა უნდა, მათ ვერავითარი შანსი ვერ ექნებათ. ბუნებრივია, საზოგადოება არის ძალიან გამოცდილი საქართველოში, შესაბამისად, ქართული საზოგადოება, ამ კოლექტიურ “ნაცმოძრაობას”, ამ კონკრეტულ ადამიანებს, წარმატების ვერავითარ შანსს ვერ მისცემს,“- განაცხადა პრემიერ-მინისტრმა.

წინა სტატიაემიგრანტებმა საარჩევნო უბნების გახსნის მოთხოვნით, საელჩოებთან მუდმივი აქციები უნდა მოაწყონ, ყველა პოლიტიკურმა ძალამ ძალები უნდა გავაერთიანოთ – მიხეილ სააკაშვილი
შემდეგი სტატია“კროკუსის” შემდეგ ტერორისტები კიევში უნდა ჩასულიყვნენ, რათა ჯილდო მიეღოთ – კრემლი
ტელეკომპანია ოდიშის საინფორმაციო სამსახური