რუსეთის ტერიტორიის ნაწილი დე ფაქტო ოკუპირებულია კიევის რეჟიმის მიერ – პესკოვი

0
88

რუსეთის ტერიტორიის ნაწილი ამჟამად კიევის რეჟიმის მიერაა ოკუპირებული, საჭიროა “ახალი რეგიონების” გათავისუფლება, – ამის შესახებ რუსეთის პრეზიდენტის პრეს-სპიკერმა დიმიტრი პესკოვმა “არგუმენტი ი ფაკტისთან” ინტერვიუში განაცხადა. დიმიტრი პესკოვი “ახალ რეგიონებში” უკრაინის იმ ტერიტორიას გულისხმობს, რომელიც რუსეთის მიერაა ოკუპირებული, მაგრამ იქ ამ დრომდე შეტაკებები მიმდინარეობს, ზოგიერთ ტერიტორიას კი (მაგალითად, ხერსონს და ხერსონის ოლქის უდიდეს ნაწილს) უკრაინელებნი აკონტროლებენ. 

“ჩვენ ფედერაციის ახალი სუბიექტები გვყავს და ჩვენთვის მთავარია, იქ მცხოვრები ადამიანების უსაფრთხოება დავიცვათ, ასევე გავათავისუფლოთ თერიტორია, რომელიც დე ფაქტო, კიევის რეჟიმის მიერაა ოკუპირებული”, – თქვა დიმიტრი პესკოვმა. 

ამასთან, პესკოვმა აღნიშნა, რომ რუსეთი უკრაინასთან საომარ მდგომარეობაშია:

“დიახ, ეს დაიწყო, როგორც სპეციალური სამხედრო ოპერაცია, მაგრამ მას შემდეგ, რაც  კოლექტიური დასავლეთი უკრაინის მხარდამჭერი და მხარე გახდა, ჩვენთვის ეს უკვე ომადაა ქცეული”, – დაამატა პესკოვმა. 

წინა სტატიატექინსპექტირების თანამშრომელი თანხას იღებდა, დასკვნას აყალბებდა – პასუხისგებაში 2 პირი მიეცა
შემდეგი სტატიარუსული მასობრივი სარაკეტო შეტევები – რა მოხდა უკრაინაში 22 მარტს, ღამით და გამთენიისას
ტელეკომპანია ოდიშის საინფორმაციო სამსახური